RECOMENDACIÓNS DE CHISTERITA PARA O NADAL

 A MASCOTA DA BIBLIOTECA DE PONZOS QUERE FACERVOS UNHAS RECOMENDACIÓNS DE LIBROS CHULIS PARA LER OU PEDIR DE AGASALLO AOS REIS, AO APALPADOR, A PAPÁ NOEL OU PARA QUE MERQUEDES COS VOSOS AFORRIÑOS.

AÍ VAN...

CHISTERITA E OS SEUS LIBROS PARA O NADAL de Natalia Navaza Pérez

PETE O GATO

Velaí vai unha nova entrega dos "Contos de Chisterita" Xiana, de 3º, e Natalia, coa banda sonora do profe Fran, cóntannos unha historia optimista e ben bonita. 

 Aprendamos de Pete! 

 Rocanrol!!!

 

PONZOS NAS ONDAS- 4º- DÍA DOS DEREITOS HUMANOS

Os nenos e nenas de 4º fan un novo programa de Ponzos nas Ondas, variado e cheo de humor, que boa falla fai nestes tempos. Fálannos do tempo, do COVID 19, de noticias do cole...e preséntannos un concurso para facer un logotipo para este programa de radio: PONZOS NAS ONDAS.

DÍa das bibliotecas escolares

PARA CELEBRAR O DÍA DAS BIBLIOTECAS ESCOLARES, DENDE O CEIP DE PONZOS FIXEMOS UN PROGRAMA DE RADIO BEN COMPLETIÑO. CONTAMOS CONTOS, TAMÉN UNS CHISTES, FALAMOS DO QUE BOTAMOS DE MENOS A BIBLIOTECA E FACEMOS RECOMENDACIÓNS BIBLIOGRÁFICAS DOS LIBROS QUE MÁIS NOS GUSTAN.

AS NORMAS DA NOVA NORMALIDADE NA BIBLIOTECA

Os nenos e nenas de 6º de primaria presentan as normas da biblioteca para este curso.

Ceip ponzos limpa a praia de Ponzos

Como final retardado do programa Voz Natura traballado no curso pasado, centrado na reciclaxe e no tratamento e redución de plásticos, os nenos e nenas de 5º e 6º de EP do Ceip Ponzos fomos á praia que dá nome ao noso centro(e á rúa na que se sitúa) para limpar, todo o que poidemos, os restos inorgánicos que trae o mar e que deixamos nas nosas visitas á praia. Logo chamáronnos de Radio Voz para facernos unha entrevista. Neste video tedes un resumo da actividade.

Os contos de Chisterita

Aí vos vai a primeira entrega dos contos de Chisterita neste curso. Co apoio da lingua de signos e os pictogramas, Chisterita cóntanos un conto moi chulísimo sobre..., mellor escoitádeo.

AS EMOCIÓNS

Video co traballo sobre as emocións feito polos nenos e nenas do cole a proposta do departamento de orientación.

Día da LSE

O día 14 de xuño conmemórase o Día nacional das linguas de signos. Dende o cole de Ponzos, preparamos este pequeno vídeo para dar visibilidade a esta fermosa lingua. Esperamos que vos guste.

DISTINTA

Aquí tedes un novo conto de Laura e Natalia. Vai sobre unha nena distinta....
Moitos nenos e nenas....e maiores distintos precisamos.

PONZOS NAS ONDAS DENDE CASA

PROGRAMA ESPECIAL POR MOITAS RAZÓNS. O ALUMNADO DE 6º PRESÉNTANOS UN PROGRAMA SOBRE OS MAIOS E O COVID 19. CÓNTANNOS MOITAS COUSAS INTERESANTES. ESCOITADE...

PONZOS VERDESCENTE

Cando comezou o estado de alarma e o confinamento nas nosas casas, Uxía Lambona e a Banda Molona lanzounos o reto de coller a súa canción verdescente e tentar facer algo con ela de cara ao Día das Letras Galegas.
Falamos cos maiores do cole, os nenos e nenas de 6º, para que dende as súas casas nos enviaran os vídeos cos que facer o traballo.Ponzos verdescente reivindica a importancia da natureza, de coñecer e gozar dos nosos lugares(agora que os botamos tanto de menos) e quedará tamén como unha "foto de grupo" para estes rapaces e rapazas de 6º que lles tocará trocar de cole e de etapa nestas extrañas circunstancias.
Aquí o tedes:

CON TODAS AS FOTOS QUE NOS MANDASTES OS NENOS E NENAS DE PRIMARIA, E AS RECOMENDACIÓNS DOS NENOS, NENAS E PROFES DE INFANTIL, MONTAMOS UN PEQUENO VIDEO E UN PROGRAMA DE RADIO.

É A NOSA MANEIRA DE CELEBRAR O DÍA DO LIBRO, ESE COMPAÑEIRO QUE TANTO NOS PODE AXUDAR NESTE TEMPO CASEIRO.

MOITAS GRAZAS POLA PARTICIPACIÓN, E ÁNIMO.

Stephen Hawking

  A PROFE LAURA E NATALIA CONTANNOS ESTE CONTO SOBRE A VIDA DO FÁMOSO CIENTÍFICO CO APOIO DE PICTOGRAMAS E LINGUA DE SIGNOS. VEREMOS QUE AÍNDA COAS CIRCUNSTANCIAS PERSOAIS MÁIS COMPLEXAS PODEN MEDRAR PERSOAS EXTRAORDINARIAS.

ponzos covid19

CON TODO O NOSO CARIÑO E ÁNIMO PARA TODOS E TODAS. CON GAÑAS DE VERNOS PRONTO...SAÚDE!!!

PONZOS NAS ONDAS CON 4º DE PRIMARIA

NESTA OCASIÓN É O ALUMNADO DE 4º QUEN ELABOROU O PROGRAMA. ADEMÁIS DAS SECCIÓNS HABITUAIS, CELEBRAMOS A SEMANA DA PRENSA CON ENTREVISTAS A XOGADORES E XOGADORAS DALGÚN DOS EQUIPOS MÁIS REPRESENTATIVOS DA CIDADE. TAMÉN DEDICAMOS UN TEMPO AO DÍA DA MULLER TRABALLADORA, CELEBRADO O PASADO 8 DE MARZO.

ENTROIDO EN PONZOS

O VENRES, 28 DE FEBREIRO, CELEBRAMOS O ENTROIDO NO COLE DISFRAZÁNDONOS DE XOGOS DA LUDOTECA. DESFILAMOS POLAS RÚAS DO BARRIO DE ULTRAMAR E FINALMENTE CANTAMOS UNHAS COPLAS NA PRAZA DE SARTAÑA. AQUÍ TEDES O PROGRAMA DE RADIO NO QUE RECOPILAMOS AS COPLAS DOS DISTINTOS CURSOS. EN BREVE POÑEREMOS AS FOTOS E VIDEOS DESE DÍA.

DÍA DE ROSALÍA

O PASADO VENRES 6 DE MARZO CELEBRAMOS O DÍA DE ROSALÍA DE CASTRO. CADA CURSO PREPAROU UNHA PEQUENA ACTUACIÓN SOBRE A ESCRITORA QUE AGORA PODEDES VER NESTE VIDEO. É UN POUCO LONGO, PORQUE ESTÁ TODO O QUE FOI...

DÍA DA RADIO- 5º DE PRIMARIA

UN NOVO PROGRAMA DE PONZOS NAS ONDAS, CON MOTIVO DA CONMEMORACIÓN DO DÍA DA RADIO. OS NENOS E NENAS DE 5º LEMBRAN DEZ FEITOS HISTÓRICOS DOS PRINCIPIOS DESTE MEDIO DE COMUNICACIÓN, LEMBRAN A IMPORTANCIA DAS MULLERES NA HISTORIA DA CIENCIA E FAN UN REPASO Á ACTUALIDADE DO COLE E A BISBARRA COAS SECCIÓNS HABITUAIS: O TEMPO, AXENDA CULTURAL, ANIVERSARIOS E NOTICIAS DO COLE. TIVEMOS ALGÚNS PROBLEMAS TÉCNICOS POLO QUE HAI LOCUTORAS QUE NON SE ESCOITAN MOI BEN, PERO AINDA ASÍ AGARDAMOS QUE O DESFRUTEDES.

NOVO PROGRAMA DE PONZOS NAS ONDAS ELABORADO POLO ALUMNADO DE 6º DE PRIMARIA. IMOS PROBANDO NOVAS COUSAS: AXENDA CULTURAL, O TEMPO, ANIVERSARIOS DO COLE, NOTICIAS DE PONZOS... E HOXE CON NÓS, PATRICIA BLANCO QUE NOS FALARÁ DA DÚA EXPERIENCIA NO TRABALLO DA HORTA E NOS DARÁ UNS CONSELLIÑOS PARA MELLORAR A NOSA PRANTACIÓN.