DURANTE ESTE PRIMEIRO TRIMESTRE NON ESTIVEMOS MOI ACTIVOS CO BLOG, PERO SI O ESTIVEMOS COAS ACTIVIDADES ORGANIZADAS DENDE A BIBLIOTECA.
AÍ VAI UN RESUMO DO MÁIS IMPORTANTE:
PARA HOMENAXEAR AO NOSO MESTRE E COMPAÑEIRO ARTURO GARCÍA, PRANTAMOS NO COLEXIO UN OLIVO, ABONADO COAS DEDICATORIAS E PALABRAS DE TODA A COMUNIDADE ESCOLAR, QUE BOTAMOS NA RAÍZ COMO SUSTENTO PARA QUE A ÁRBORE MEDRE E NOS ACOMPAÑE NO PATIO DO COLE.
COMO TODOS OS ANOS, ELABORAMOS UN TRÍPTICO COA INFORMACIÓN MÁIS IMPORTANTE DA BIBLIOTECA, O SEU FUNCIONAMENTO, NORMAS, NOVIDADES...
CON MOTIVO DO DÍA DA ALIMENTACIÓN O ALUMNADO DOS PRIMEIROS CURSOS DE PRIMARIA BAIXOU Á BIBLIOTECA PARA VISUALIZAR UNHA PRESENTACIÓN SOBRE OS DIFERENTES TIPOS DE ALIMENTOS, SOBRE COMO LEVAR A CABO UNHA ALIMENTACIÓN CORRECTA, ETC...
POLO DÍA DOS ANIMAIS O ALUMNADO DE 1º E 2º DE EP BAIXOU A REALIZAR UNHA SERIE DE ADIVIÑAS SOBRE O TEMA.
PARA CELEBRAR O SAMAÍN O ALUMNADO DOS CURSOS SUPERIORES LEU CONTOS DE MEDO AOS DE INFANTIL E REALIZOUSE UNHA EXPOSICIÓN DE CABAZAS TERRORÍFICAS DECORADAS POLO ALUMNADO.
POLO MAGOSTO O ANTIGO DIRECTOR CEDEUNOS UN "MAQUINILLO" PARA FACER AS CASTAÑAS, QUE DEGUSTAMOS GUSTOSAMENTE. TOMÁMOLAS CON LEITE E LOGO FIXEMOS XOGOS TRADICIONAIS E ESTREAMOS O NOVO ROCÓDROMO DA PISTA POLIDEPORTIVA.
PARA COMPLEMENTAR AO PROXECTO SOBRE O BARRIO QUE ESTÁN A REALIZAR OS NENOS E NENAS DE INFANTIL, O ALUMNADO DE 6º FIXO UNHA PRESENTACIÓN PARA EXPLICARLLES DIFERENTES ASPECTOS SOBRE O BARRIO.
O DÍA 30 DE NOVEMBRO ACUDIMOS A PONTEVEDRA (CULTURGAL) CO ALUMNADO DE 2º E 3º DE EP A RECOLLER O PREMIO DE "NÓS TAMÉN CREAMOS" QUE GAÑAMOS DURANTE O CURSO ANTERIOR COA CURTAMETRAXE DO LIBRO "COAS MANS BALEIRAS". ADEMAIS, VISITAMOS A CIDADE.
O LUNS SEGUINTE, SEGUIMOS CO NOSO PERIPLO POLAS CAPITAIS GALEGAS ASISTINDO AO FESTIVAL INTERNACIONAL OUFF ESCOLA EN OURENSE. ALÍ, RECIBIMOS UNHA MENCIÓN HONORÍFICA E POLA TARDE VISITAMOS AS TERMAS DA CHAVASQUEIRA.
