CONTRA A VIOLENCIA DE XÉNERO

OS NENOS E NENAS DE 2º DE PRIMARIA FIXERON ESTE VIDEO-MENSAXE CONTRA A VIOLENCIA DE XÉNERO.

PONZOS NAS ONDAS

CHEGAN AQUÍ O TERCEIRO E CUARTO PROGRAMAS DE PONZOS NAS ONDAS, ONDE NOS MERGULLAMOS NO MUNDO DAS ONDAS RADIOFÓNICAS PARA COÑECER DA MAN DE XENTE EXPERTA COMO É ESTE MEDIO NO QUE ESTAMOS A COMEZAR A ANDADURA.

AS NENAS E NENOS DE 5º E 6º ENTREVISTAN A RAMÓN FERNÁNDEZ E A PICHI VARELA. DÚAS PERSOAS CON MOITOS ANOS DE EXPERIENCIA E EXPERIENCIAS NA RADIO, E QUE ADEMAIS SON DE FERROL.

ESCOITÁDEOS CON ATENCIÓN PORQUE NOS CONTAN COUSAS BEN INTERESANTES.

SAMAÍN

OS ÚLTIMOS DÍAS DE OUTUBRO CELEBRAMOS O SAMAÍN NO COLE POR TODO O ALTO.

CADA CLASE DECOROU A PORTA DA SÚA AULA CON MOTIVOS RELATIVOS AO SAMAÍN, AO TERROR, Á MORTE, AO MEDO...E DESPOIS VOTAMOS Á QUE MÁIS NOS GUSTOU.

LOGO HOUBO REPARTO DE PREMIOS PARA TODOS OS PARTICIPANTES. 

  

XUNTANDONOS MAIORES E PEQUENOS, ELABORAMOS RECETAS DE COMIDAS TERRORÍFICAMENTE DIVERTIDAS E SABOROSAS. COCIÑAMOS QUE DÁ MEDO VERNOS!

TAMÉN, COMO TODOS OS ANOS, TIVEMOS A NOSA EXPOSICIÓN DE CABAZAS COAS CREACIÓNS DE GRANDES E PEQUENOS.

 E, COMO TAMÉN É HABITUAL, ALGÚNS DOS NENOS E NENAS DE 3º A 6º (QUE XA TEÑEN MENOS MEDO) TENTARON TRANSMITIR A EMOCIÓN DO MISTERIO E DA AVENTURA TERRORÍFICA LENDO UN CONTO AOS MÁIS PEQUENOS/AS.

MAGOSTO EN PONZOS

O VENRES 25 CELEBRAMOS A FESTA DO OUTONO, O MAGOSTO, INDO A COÑECER A PRAIA QUE DÁ NOME AO NOSO COLE. PASEAMOS POLA AREA, VADEAMOS REGATOS E LAGOAS, E CREAMOS COS NOSOS CORPOS UNHAS LETRAS BEN GRANDES QUE POÑÍAN.....PONZOS

LOGO FOMOS Á PRAIA DE DONIÑOS A COMER AS CASTAÑAS, XOGAR E BAILAR AO RITMO DE CÉ ORQUESTRA PANTASMA E AS SÚAS CANCIÓNS. UN DÍA BEN BONITO!!!

DÍA DAS BIBLIOTECAS ESCOLARES

CON MOTIVO DO DÍA DAS BIBLIOTECAS ESCOLARES FIXEMOS UN MURAL NA ENTRADA DO COLEXIO ONDE CADA NENA/O COLOCOU UN MARCAPÁXINAS ESQUINEIRO CON DESEÑOS MONSTRUOSOS. AQUÍ PODEDES VER OS RESULTADOS. 

DIA DO PEON

"POLO SAN MARTIÑO, PEÓNS AO CAMIÑO" É O LEMA QUE MOTIVA A CELEBRACIÓN, UN ANO MÁIS, DO DÍA DO PEÓN. nO COLE DE PONZOS IMOS CELEBRALO POR VEZ PRIMEIRA TRAENDO OS NOSOS PEÓNS Á ESCOLA E XOGANDO CON ELES NOS RECREOS. ADEMAIS, INVITAREMOS A "EXPERTOS/AS" DAS FAMILIAS A FACER UNHA EXHIBICIÓN E FAREMOS UNHA PEQUENA INVESTIGACIÓN SOBRE ESTE XOGO TRADICIONAL. AQUÍ TEMOS UNS MATERIAIS COS QUE PODER TRABALLAR: ">

2º PROGRAMA DE PONZOS NAS ONDAS

NESTE SEGUNDO PROGRAMA, ÚLTIMO DO ALUMNADO DE 6º COMO ENTREVISTADORAS/ES, OS PROTAGONISTAS SON OS NENOS E NENAS DE 5 ANOS, QUE REMATARON O CICLO DE INFANTIL E AGORA DARÁN O PASO A PRIMARIA.

COMEZA A ANDADURA DA RADIO EN PONZOS

COMEZAMOS UNHA NOVA AVENTURA DENDE A BIBLIOTECA DO COLE. XA TEMOS AQUÍ O PRIMEIRO PROGRAMA DE "PONZOS NAS ONDAS".
NEL, OS NENOS E NENAS DE 4º E 5º ENTREVISTAN AOS DE 6º ANTES DA SÚA MARCHA DO COLE. ESCOITADE O QUE NOS CONTARON...

POESÍA E IMAXE

UN ANO MÁIS, MOITOS DOS ALUMNOS/AS DO COLE PARTICIPARON NO CERTAME DE CREACIÓN ARTÍSTICA "POESÍA E IMAXE", ORGANIZADO POLA COORDENADORA DE EQUIPOS DE NORMALIZACIÓN LINGÜÍSTICA DE FERROLTERRA E O CONCELLO DE FERROL.

NESTA OCASIÓN, DOUS TRABALLOS RESULTARON GAÑADORES, TENDO EN COMÚN O USO DAS NOVAS TECNOLOXÍAS NOS DOUS CASOS: UN VIDEO COLECTIVO DE 1º DE PRIMARIA E UNHA "FOTO SOBRE FOTO E DEBUXO" DUNHA NENA DE 5º.

PARABÉNS A TODOS OS/AS PARTICIPANTES E, TAMÉN, AOS GAÑADORES.

DIA DO LIBRO- ESCRITORAS NA BIBLIO

CON MOTIVO DO DÍA DO LIBRO FIXEMOS VARÍAS ACTIVIDADES DENDE A COORDINACIÓN DE BIBLIOTECA.

VIÑERON AS ESCRITORAS MARÍA CANOSA, ÁNXELA LOUREIRO E MARICA CAMPO A FALAR COAS NENAS E NENOS DO SEU TRABALLO DE CREADORAS LITERARIAS E MÁIS CONCRETAMENTE DOS LIBROS LIDOS POLO ALUMNADO ESTE CURSO.

TAMÉN FIXEMOS, COMO OUTROS ANOS, OS APADRIÑAMENTOS LECTORES NOS QUE O ALUMNADO MAIOR LE CONTOS AOS MÁIS PEQUENOS REPARTIDOS POLAS INSTALACIÓNS DO COLEXIO.

CARREIRA DA AUGA UNICEF

UN ANO MÁIS, CONMOVIDOS E MOTIVADOS POLA CAMPAÑA "GOTAS PARA NÍXER" DE UNICEF, O 22 DE MARZO CELEBRAMOS A CARREIRA DA AUGA.
AS SEMANAS ANTES DA CARREIRA FIXEMOS UNHA CAMPAÑA DE RECOLLIDA DE DONATIVOS QUE ENCHEU O COLEXIO DE PARAUGAS ABERTOS AO REVÉS INVOCANDO Á CHUVIA ....
AS CARREIRAS SOLIDARIAS COAS NENAS E NENOS DE 3 A 12 ANOS CELEBRÁMOLAS ESTE ANO NO PARQUE DO BERTÓN, NUNHA XORNADA FESTIVA E DE GRANDE PARTICIPACIÓN E ESFORZO POR PARTE DE TODOS/AS.

SEMANA DA PRENSA

PARA CONMEMORAR A SEMANA DA PRENSA FIXEMOS VARIAS ACTIVIDADES DENDE A BIBLIOTECA.
BUSCAMOS INFORMACIÓN NA REDE, FIXEMOS UN MURAL NA ENTRADA DO COLE CON NOTICIAS RELACIONADAS COA HORTA E A ECOLOXÍA E TAMÉN ENTREVISTAMOS AOS XOGADORES DO RACING DE FERROL QUE VISITARON O NOSO COLE.

ENTROIDO

MOTIVADOS POLO TRABALLO COA HORTA, DECIDIMOS CELEBRAR O ENTROIDO DISFRAZADOS E DISFRAZADAS DE PRODUTOS DA HORTA: BERENXENAS, CHÍCHAROS, PATACAS, CENORIAS, BRÉCOL, PEMENTOS, CABAZAS, TOMATES, E MESMO MANDRÁGORA. CAMIÑAMOS SEGUROS POLAS RÚAS DO BARRIO, PROTEXIDOS DAS PICADAS DOS PAXAROS POR UNS FERMOSOS ESPANTALLOS E POLAS GRANXEIRAS ÚLTIMO MODELO QUE TANTO NOS COIDAN.

AO CHEGAR Á PRAZA CANTAMOS UNHAS COPLAS, BEN DIVERTIDAS, E DE VOLTA AO COLE RECUPERAMOS FORZAS COAS LAMBETADAS QUE TROUXEMOS DA CASA.

HORTA ESCOLAR

CONTINUAMOS SEMENTANDO, PLANTANDO .....E RECOLLENDO DÍA A DÍA NA HORTA DE PONZOS. O NOSO INVERNADOIRO PRODUCE LEITUGAS A MOREAS, PERO TAMÉN BRÉCOL, COLIFLOR, ACELGAS, ESPINAFRES...TODO ECOLÓXICO, SAN E MOI SABROSO. 

DÍA DA PAZ

Con motivo do Día Mundial da Paz e non Violencia fixemos un acto no colexio no que cantamos e bailamos a canción de Migallas "Campás pola paz". Logo enchemos de enerxía e compañeirismo o pavillón ao ritmo do "Cuchichí", canción e danza xa tradicional no cole.