DIA DO LIBRO

O día 24 de abril celebramos o Día do Libro cos clásicos apadriñamentos lectores, onde os nenos e nenas maiores len contos aos máis pequenos/as nos lugares do colexio que máis lles gusten. Eiquí tedes un resumo fotográfico desta xornada de lectura e compañeirismo.

ENTROIDO DE PONZOS POR ULTRAMAR

PARA CELEBRAR O ENTROIDO DECIDIMOS ESTE ANO FACER UNHA HOMENAXE AO BARRIO DE ULTRAMAR, Á SÚA XENTE, Á SÚA FORMA DE VIDA... E POR ISO NOS DISFRAZAMOS INSPIRÁNDONOS NOS NEGOCIOS E TRABALLOS DOS NOSOS VECIÑOS. PERRUQUERÍAS, BARES, ESCOLAS DE MÚSICA, XIMNASIOS, PANADARÍAS, XOIERÍAS, ZAPATARÍAS....MOTIVARON AS COPLAS QUE CANTAMOS NA PRAZA DE ULTRAMAR E OS TRAXES DE NENOS E NENAS. AQUÍ VAI UNHA PEQUENA MOSTRA DESE DÍA. 

 

 ... E AQUÍ UN VIDEO COA MAIORÍA DAS ACTUACIÓNS, MIRADE QUE BEN CANTAN!! 

DIA DE ROSALIA

   

PARA CELEBRAR O DÍA DE ROSALÍA DE CASTRO, CADA AULA DECOROU UNHA MACETA NA QUE UN XACINTO ESTABA A AGROMAR. QUEDOU ASÍ O BARRO DAS MACETAS CUBERTO DE VERSOS E POEMAS, DEBUXOS E MOTIVOS VARIADOS RELATIVOS Á ESCRITORA GALEGA. NESTE VIDEO VEDES UN RESUMO DO ACTO NO QUE OS NENOS E NENAS PRESENTARON O SEU TRABALLO.

VISITA DA PINTORA VIKI RIVADULLA

 VIKI RIBADULLA VISITOU O COLEXIO PARA AMOSAR AOS NENOS E AS NENAS A SÚA ARTE. FALOUNOS DA SÚA OBRA, DO PROCESO CREATIVO, DAS MOTIVACIÓNS E OS OBXECTIVOS DO SEU TRABALLO...E PÚXONOS A PINTAR A NÓS TAMÉN.

 

PAZ 2023

 CELEBRAMOS O DÍA DA PAZ VACINÁNDONOS CONTRA VIOLENTOS VIRUS QUE CREAMOS EN CADA AULA.

LOGO INTERCAMBIAMOS UNHAS PULSEIRAS CON COMPAÑEIROS/AS DE TODO O COLE, SIMBOLIZANDO ESTAR INMUNIZADOS/AS CONTRA A VIOLENCIA, AS GUERRAS E AS AGRASIÓNS DO TIPO QUE SEXAN. ...E AO FINAL, POR FIN E DESPOIS DE VARIOS ANOS, VOLTAMOS A BAILAR O "CUCHICHÍ".

FIN DE ANO (9 DÍAS ANTES)

 

 UNHA LOUCURA, UNHA IDEA BRILLANTE...UNHA EXPERIENCIA NOVA...E MARABILLOSA!!! 

 O ÚLTIMO DÍA ANTES DAS VACACIÓNS DE NADAL DECIDIMOS FESTEXALO ESTE ANO DUNHA MANEIRA DIFERENTE. XUNTAMOS AS FESTAS DO NADAL E FIXEMOS UN ALL IN ONE COA MENSAXE DA SÚA EMINENCIA O DIRECTOR ÓSCAR, O REPASO AOS MELLORES MOMENTOS DO ANO (ESCOLAR), AS CAMPANADAS DE FIN DE ANO (E OS 12 GUSANITOS...QUE NON HABÍA GAÑAS DE ESTRÉS NIN DISGUSTOS COAS UVAS) E A POSTERIOR FESTA. 

VAMOS, QUE FIXEMOS O 2022 UN POUCO MÁIS CURTO...PORQUE CONTAMOS QUE O 2023 VAI ESTAR MOITO MILLOR E QUEREMOS QUE DURE MÁIS!

AQUÍ TEDES UN RESUMO DA XORNADA.

AH...E ADEMÁIS ENTERÁMONOS DE QUE GAÑARAMOS UN PREMIO DE BAILE....POIS A BAILAR!!!

GOSTAMOS DO MAGOSTO

CO BEN QUE SAÍRA O ÚLTIMO MAGOSTO AO AIRE LIBRE ANTES DA PANDEMIA, ANIMÁMONOS A REPETIR E FOMOS PASAR A MAÑÁ Á CONTORNA DA PRAIA DE DONIÑOS. ALÍ SAÍMOS CAMIÑAR, XOGAMOS COS PEÓNS, XOGAMOS NO PARQUE E, COMO NON PODÍA SER DOUTRO XEITO, ASAMOS E COMIMOS CASTAÑAS...E BEBEMOS LEITE!!! VIVA O MAGOSTO!